يعنى ايه جرح

موضوع: يعنى ايه جرح الجمعة مارس 26, 2010 7:42 pm

لنا دايما بنقول انجرحنا وكتير بيقول انا انجرحت بس محدش حاول مرة يقول معنى الجرح ايه يمكن بنحس بالجرح وبننجرح ونسكت بعدها وممكن نفضل ساكتين ومنتكلمش ولو اتكلمنا دموعنا هى لسانا ووجعنا اللى جوانا والمنا هو اللى بيخلينا منقدرش نقول يعنى ايه جرح الجرح مش انك تتخان ولا انك تسمع كلمة تخش جوة الوجدان وبعدها تلاقى نفسك تعبان الجرح مش انك تأمن وتنخدع ولا انك من الحب تتمنع الجرح مش معناه انك خلاص حرمت ولا معناه انك حبيت وعبرت الجرح يا ناس مش كلمة نقولها وبعد كدة تنداس الجرح كلمة كبيرة اوى ومهما قلتلها ومهما حصلك حتلاقى نفسك لحد دلوقتى انت لسة منجرحت وانا عايزة اقولكم الجرح يعنى ايه بس كل واحد يمسك عنيه انا عارفه ان دموعنا قريبة واننا عشنا كتير كلنا فى حياتنا اللى يبكينا... تعالوا لما نسمع ونشوف الجرح معناه ايه ...... أأأأأأأأأأأه على الجرح وأأأأأأأأأأأأه من الجرح لو انجرحت
محدش فيكم مرة سال نفسه سؤال لما حد بيكون عيان ويخش يعمل لسمح الله عملية ليه الطبيب بيديه بنج طبعا كلنا عارفين علشان لما يمسك المشرط ويجى مكان الالم علشان يفتح ويشيل المرض المريض ميحسش بالجرح والالم ومع ذلك بعد العملية وبعد ما بيفوق المريض بيحس بالجرح وباردو بيحس بألم بيفضل بالفعل يئلموا لحد ما تتطيبه الايام لكن جرح الايام ايه يطيبه يعنى ايه جرح جرح يعنى تحس بوجع فى قلبك من غير ما تكون مريض تحس ان روحك راحت من غير ما تشوف الموت جرح يعنى تشوف احلامك بضيع من بين عنيك وواقف تتفرج وانت مشلول مع انك بتمشى وتقدر تجرى كمان جرح يعنى انك تحس ان ضربات قلبك يوم ما تعرف انك بتتخان او اتخنت بتزيد اوى مع انك سليم ومش بتشتكى من اى حاجة جرح يعنى انك تشوف فى عيونك سواد مع انك مفتح وتقدر تشوف كل الالوان جرح يعنى يقف عقلك عن التفكير وقت الجرح وتحس انك دايخ وتعبان مع ان عقلك شغال وواعى وفهم الجرح اللى بيكون او الجرح اللى كان جرح يعنى تكتم الاه والصرخة وتحس انك اخرس من صدمتك مع ان صوتك ولسانك يقدر يقول كل الكلام لسه عندى كتير كلام بس مش قادرة وخايفة افتح الجرح اللى كان
عرفتو معنى الجرح ايه سامحونى على الالفاظ القاسية والتعبير اللى مليان احزان
بس لو كنت حسيت بكل دة فى وقت واحد يبقى أكيد انت انجرحت فى يوم من الايام ؟؟

موضوع: رد: يعنى ايه جرح الجمعة مايو 14, 2010 3:15 am

لا كفاية بجد انتى كدا جيتى ع الجرح توبيك جامد بس حزين ومؤلم وبيفكرنا بحلمنا البيضيع ادام عنينا

مشكور على نـقـل التوبيك الجميل ده يا امير
و بانتظار إبداعات قلمك الشخصي الجميلة

بس فراى يا جماعة ان الدنيا للاسف الايام دى بقت عبارة عن جرح كبير معاملات الناس بقت جرحة اوى

saso كتب:: بس فراى يا جماعة ان الدنيا للاسف الايام دى بقت عبارة عن جرح كبير معاملات الناس بقت جرحة اوى

و علشان كده لازم نتعلم و نعرف ازاي مننجرحش يا saso
و لو اتجرحنا نعرف ازاي نداري و نداوي جروحنا

بس ازى نتعلم يا ابو فارس ده احنا من كتر مهى بتخبط فينا بنبقى مش حسين باى حاجة ليه معنى حولينا المها كبير اوى اه ه ه ه منها دنيا

saso كتب:: بس ازى نتعلم يا ابو فارس ده احنا من كتر مهى بتخبط فينا بنبقى مش حسين باى حاجة ليه معنى حولينا المها كبير اوى اه ه ه ه منها دنيا

نتعلم من تجاربنا و جراحنا ان اننا مانسيبش نفسنا نتجرح تاني
الجرح في القلب مسيرة يوم يندمل.. لكن برضه بيسيب أثر في القلب مهما حصل

جد كلامك معقول بس زى مقال الشافعى نعيب زمننا والعيب فينا وما لزمننا عيبا سونا