كلية العلوم باسوان

المنتدى الرسمي لكلية العلوم باسوان
 
الرئيسيةاليوميةس .و .جبحـثالمجموعاتالتسجيلدخول

شاطر | 
 

 من حياة البنات:- الجزء الأول...عريس لقطة!!

اذهب الى الأسفل 
كاتب الموضوعرسالة
abo_faris
مدير المنتدى
مدير المنتدى
avatar

عدد المساهمات : 536
نقاط : 594
تاريخ التسجيل : 21/07/2009
العمر : 34
الموقع : بلاد الله خلق الله

مُساهمةموضوع: من حياة البنات:- الجزء الأول...عريس لقطة!!   الثلاثاء مايو 18, 2010 2:41 pm

مبدئيا كده علشان نبقى واضحين--- العهدة على الكاتبة.. أنا ماليش فيه.. أنا جيبتلكم الموضوع زي ماهو، ماغيرتش فيه غير بعض الأخطاء و شيلت بعض الحاجات الأوفر شوية Wink


عريس لقطة


واحدة صاحبتي كانت لسه متجوزة قريب و كنت لسه حاضرة فرحها من أسبوعين ..أتصلت بيا تطمن عليا يعني ..كنت لسه سامعه خبر ان واحده من أصحابنا جابت عريس لواحدة تانية صاحبتنا برضه ..و ده موضوع يضايق قوي على فكرة ..يعني تفضل الواحده تقول و اشمعنى يعني ماختارتنيش أنا و مش بعيد تقاطعها و ماتكلمهاش تاني أبدا affraid

أنا بأه مسكت صاحبتي اللي كانت طالباني في التليفون و قعدت أرصلها cyclops .. شايفة الصاحبات ؟..ماطلعش منك انت حاجه زي كده ..أمال مجوزينك ليه؟ مش عشان تشوفيلنا في اصحاب جوزك والا قرايبه حد ينفع ..و كل شوية صاحبتي دي تحاول تقاطعني و تسدني و انا ابدا منطلقه زي الصاروخ Evil or Very Mad Evil or Very Mad ..لحد ماراحت موقفاني بصرخه ..يابت اسكتي بأه جوزي بيسمع م السماعه التانية و عايز يتأكد انك كويسة و رقيقة عشان جايبلك عريس pale cyclops Exclamation affraid

و في لحظه واحده انقلبت طريقة كلامي 180 درجه و بقيت أرق من أرق واحده تعرفوها Cool Laughing Wink ...و قولتلها انتي صدقتي دانا كنت بهزر معاكي..انتي عارفاني رقيقة طول عمري ..دانا أرق م البت اللي طالعه جديد دي اللي اسمها منى زكي scratch ..و اسمع صوت جوزها يحاول يكتم ضحكة ع السماعة التانية و هي حساها بتجز على سنانها و هي بتقوللي عارفه عارفه هو انتي هتقوليلي Evil or Very Mad Twisted Evil

المهم اتفقنا على معاد..و لما اقول اتفقنا على معاد يمكن تعدي ع الرجاله سهلة كده يعني ديتها ايه؟ هيستحمى و هيخلي أمه تغسله القميص و البنطلون و أخته تكويهومله و يشغل كل اللي خلفوه عشان طلعة أهله البهية Suspect ..لكن في بيت العروسة اللي هيا المفروض انا Embarassed ..هيييصة ..غسيل للحيطان ..مسح للأرضية..تنضيف للسجاجيد ..تسييق للسلم..تلميع للكاسات ..تنضيف للستاير و الشبابيك و بعد ده كله متوقع من العروسة بعد كل المجهود المقندل ده انها تتزوق و تخش عليهم حلوة وبتبرق و فايقة و زي الفل Embarassed pale Wink
tongue tongue tongue
المهم جه المحروس هو و أهله pirat ..هو دكتور على فكرة ..باضرب بطرف عيني كده لقيته لابس لبس Suspect ..يا سلاااام ..زي مايكون لم اللي ع الحبل كله و لبسه على بعضه ..و تقريبا كده ماعندهمش مرايا و شكل أمه و أخته عندهم عمى ألوان..البيه لابس قميص أصفر ..بنطلون أزرق ..بلوفر أخضر ..و فوق ده كله كرافته كده الصراحه مش عارفه أحدد بالظبط لونه إيه..لأ و استنوا ..جزمة بني لما اتجعص كده و حط رجل على رجل بصيت لقيت الشراب نبيتي ...آه و النعمة ..قلت في نفسي مش مشكله بيقولوا الراحل مايعيبوش الا جيبه ..و أهو يبقى عريس تكني كلر زي التلفيزيون الملون Laughing ..مشرق كده و مقبل على الحياة...هو صحيح ودانه مخاصمه راسه خالص و سنانه بيحبوا بعضهم جدا لدرجة انهم راكبين فوق بعضيهم ..بس خلقة ربنا يعني ..المهم العقل و الشخصية tongue

أول ما بابا دخل راح واقف ..حلو مؤدب يعني و انطلقت امه تعرفه زي مانكون في برنامج..الدكتور سامي ..علاج طبيعي ..قام هو مكمل التقديم و قايل ...و بقلد فنانين (إيه الهبل ده بأااااه) ..هو احنا عاملين برنامج مواهب و الا ده جاي يعمل انترفيو في كبارية..بابا برقله Shocked كده و قاله آه أهلا و سهلا اتفضلوا و بص لماما بصه معناها إيه اللي انتوا جايبينه ده؟ Suspect

أنا قاعده و ماسكه نفسي م الضحك و ده منطلق بيتكلم على صولاته و جولاته في عالم التقليد و احنا قاعدين نبص لبعض و امه شكلها منشكح أوي من كلامه ..و فجأة بص في الساعة و بص لبابا و قاله ..عمي ممكن أسألك حضرتك سؤال و تجاوبني بصراحة؟..بابا قاله بخوف كده خير يا بني؟..قاله هو التلفزيون ده شغال ؟ Suspect ..بابا فوجئ كده و قالله آه يابني شغال ..فجأه الحليوة ده راح قايم و فاتح التلفزيون و قعد يقلب في القنوات لحد ما جاب قناه كانت بتزيع ماتش للزمالك..و احنا قاعدين مذهولين و مش قادرين نعمل حاجه و امه قاعده منشكحه زي ما هيا bounce ..و هوب و صوته علي ..شوووووط يا عم ..أيوة كده ..يوووووه ..الحكم ده حماااار...واحنا قاعدين ..ماما حبت تحرجوا بالذوق كده و قالتله ..و الله يا دكتور انا مش عارفه انت ازاي بتابع كورة اليومين دول ..ده حتى الزمالك بقاله مده مش كويس خالص No No No

الواد فجأة سكت و لف كده لماما بالتصوير البطئ..و عينيه احمرت لدرجة ان ماما كشت في مكانها ..و ده راح رافع الجعورة ..لاااااا affraid affraid affraid ..بقولك ايييييه ..إلا الزمااالك ..اتكلمي براحتك على أي حد ..على امي على أبويا عليا أنا شخصيا لكن الزمالك لأ لأ لأ ..فاهمه ..قومي يا ماما ..أنا لا يمكن أدخل بيت الزمالك بيتهان فيه

.أكن احنا معديينلك البلاوي اللي انت لابسها و السخافات اللي عمال تقولها عشان تبقى أخرتها كده ؟كلنا فضلنا متسمرين مكاننا بابا يبص لماما و مش قادرين حتى يقوموا من مكانهم وانا الأول اتحرق دمي و بعدين وقعت ع الأرض من كتر الضحك.. صحيح هم يبكي و هم يضحك

الجميل بأه ان صاحبتي جايه تاني يوم تسألني على رأيي قولتلها لأ طبعا انتي بتستهبلي ..و حكيتلها ع اللي حصل..لقيتها بتقول طب و ايه يعني؟ عادي ماتبقيش بس تقوليله انك أهلاوية..و لما أصريت ع الرفض..صاحبتي دي قاطعتني و ما رفعتش عليا سماعة التليفون من يوميها ..
و بتقول عليا لصاحباتنا.. قال إيه
إزاي يعني أرفض عريس لقطة زي ده؟

صحيح إزاي؟

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
arej
عضو نشيط
عضو نشيط


عدد المساهمات : 20
نقاط : 20
تاريخ التسجيل : 21/05/2010

مُساهمةموضوع: رد: من حياة البنات:- الجزء الأول...عريس لقطة!!   الجمعة مايو 21, 2010 3:32 am

ههههههه
فكرتني بحد اعرفه بجد
هههههههههه
الرجوع الى أعلى الصفحة اذهب الى الأسفل
abo_faris
مدير المنتدى
مدير المنتدى
avatar

عدد المساهمات : 536
نقاط : 594
تاريخ التسجيل : 21/07/2009
العمر : 34
الموقع : بلاد الله خلق الله

مُساهمةموضوع: رد: من حياة البنات:- الجزء الأول...عريس لقطة!!   الأحد مايو 23, 2010 10:15 pm

arej كتب:
ههههههه
فكرتني بحد اعرفه بجد
هههههههههه

مين مين مين يا ترى؟؟؟؟ What a Face What a Face

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
 
من حياة البنات:- الجزء الأول...عريس لقطة!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كلية العلوم باسوان :: المنتدى العام :: المنتدى الترفيهي-
انتقل الى: