ردا على موضوع اكتوبر الاخر

المره دي انا هاكتب الموضوع بنفسي وهو سؤال بيلح عليا كل ما واحده تتكلم عن اخوها واسألها دخل جيش تتنفض ولا كأن لدغها عقرب وتقولي فال الله ولا فالك بتفولي عليه ليه!!!!!!!! او لو واحده واحنا بنحكي تجيب سيره اخوها وتفول لنا ادعوا له ياخدإعفا الاقي كل اللي حواليا بنفس واحد يقولوا اميييييييييييييييييييييين !!!!!!!!!
وطبعا غير اني اكتشفت انها وسيله فعاله جدا في لوي الدراع وانك تاخد حقك في المدينه الجامعيه للبنات!!!!كفايه تعرفي ان البنت لها اخ وتهدديها بدعاء واحد وهي تديكي اللي انتي عايزه -يارب اخوكي يدخل الجيش !!!!!
يس بجد انا مش عارفه سر الهلع ده من الجيش ولاني ماعنديش اخوان ولاد و لان ابويا ولد وحيد على 4 بنات فطبعا مدخلش جيش ولان كل اقاربي اخدوا إعفا فانا مش لاقيه حد يجاوبني على سؤالي لييييييييييييييييييييييييه الناس مابتحيش تدخل الجيش
ارجوا الجديه في الرد لان فعلا معلوماتي عن الجيش لا تتعدى الرصاصه لا تزال في جيبي و الطريق الى ايلات