موضوع شعر جامد عن الطب والدكاترة
هههههههههههههههههههههههههههه
ياللى دخلت الطب ونفسك تخرج منة بعقل سليم
عيش لدماغك روق بالك وأوعى تفكر فى التعليم
الدرجات بتروح وبتيجى طنش وأضحك وأشرب تيم
لو شكيت فى كلامى لثانية ومفكرنى خبيث ولئيم
ذاكر واطحن واعمل فالح واعمل فى ال exam براشيم
اخرك برضة دكتور وحدة تكتب قطرة لبوس وكريم
تفضل تجرى وتهرى فى نفسك تقبض اخر اليوم ملاليم
تاكل حاف وتصبر نفسك وتقول حلو اهو برضة رجيم
ياللى نويت عالطب ونفسك تلبس بالطو وتبقى حكيم
افرض مثلا مثلا يعنى مجموعك وداك بلطيم
لو تزعل تبقى عبيط واهبل وتفكيرك لا مؤاخدة عقيم
لو منك كنت اعمل حفلة واجيب رقاصة ومعازيم
وكفاية انى نفدت بجلدى سدقنى دا الطب اليم