saso عضو هام
عدد المساهمات : 389 نقاط : 408 تاريخ التسجيل : 12/05/2010 العمر : 33 الموقع : الكوكب المرغوب
| موضوع: هيا بنا نختلف الجمعة مايو 28, 2010 1:43 pm | |
| كنت عايز اخد رايكم ياجماعه فموضو ع مهم جدا هل انتوا مع مقاطعه البضائع الايرانيه و لا عدم المقاطعه هل نساويها بالبضائع الاسرئيليه والامريكيه ولا لا يريت فعلا تشاركوا برايكم انتوا مع الناس البيتقول نقاطع البضائع الايرانيه لان الايرانيين بيشوهوا فالسيره بحكم انهم شيعه ولا المضوع فوجه نظركم ميستهلش الماقطعه ................. | |
|
abo_faris مدير المنتدى
عدد المساهمات : 536 نقاط : 594 تاريخ التسجيل : 21/07/2009 العمر : 40 الموقع : بلاد الله خلق الله
| موضوع: رد: هيا بنا نختلف الأربعاء يونيو 02, 2010 9:27 am | |
| طبعا أولا إزيك يا saso و مبروك أول موضوع تعمليه و نقاش تفتحيه
ثانيا و ردا على موضوعك.. و الرد بتاعي ده وجهة نظر شخصية بحتة مالهاش علاقة بأي شيء أو فتوى أو حكم أو اتجاه سياسي
موضوع المقاطعة من أساسه فيه اكتر من جانب يعني لو هقاطع حاجة الأول اشوف هي جاية منين؟ يعني لو جاية من بره مستوردة من بلد ليه موقف عدائي معايا سياسيا أو دينيا ، ساعتها ممكن اقاطع لو في بديل وطني و لو حتى أقل بشيء بسيط في الجودة و أغلى بشيء بسيط في السعر ( و دا أمر واقع بالنسبة لغالبية البضائع الوطنية)
أما بقى لو المنتج ده واخدين حق تصنيعه هنا في مصر مقابل نسبة من الأرباح بتروح لمالك المنتج الأساسي زي الإريال و الكوكاكولا و البيبسي و الهيد أند شولدرز و البامبرز و الحاجات دي، يبقى هنا الموضوع محتاج تفكير، لأن انا لما اقطع المنتج ده صحيح هاقلل أو هامنع الربح اللي بيروح لمالك المنتج الأساسي و لكن في نفس الوقت هاشرد آلاف العمال المصريين اللي بيشتغلوا في المصنع المصري اللي بيصنع المنتج هنا و هيبقى كده عندي الخسارة أكتر من المكسب و بطالة و توابعها طبعا من انهيار مستوى اجتماعي و مادي و ارتفاع معدل الجريمة طبعا.. و كده يبقى انا ضريت البلد اللي بقاطعها بس ضريت بلدي و بنسبة أكبر كمان
يبقى المفروض ان انا علشان اقاطع منتج أجنبي يكون عندي بديل وطني مساوي في الجودة و السعر و فرص عمل لمتضرري المقاطعة دي من المصرين و ساعتها و بكل ثقة و قلب جامد و بدون اختلاف في الآراء نقاطع
أما بقى موضوع المقاطعة الإيرانية اللي بتتكلمي عليه، فالأولى بينا نبص للدول التانية اللي بتحارب الإسلام من أساسه و نتعامل معاهم، و بعدين نبقى ندور على الدول المسلمة اللي عندها بعض الاختلافات المذهبية عننا و نتفاهم معاهم لو في تعارض وللا إيه؟
يمكن اكون خرجت بره إجابة سؤالك شوية بس كان لازم نجيب الموضوع من أوله علشان نعرف نتناقش فيه و برضه دي وجهة نظر تحياتي ليكي و للجميع و دعواتي لكم بالتوفيق في الامتحانات إن شاء الله و بانتظار إسهاماتك و إسهامات باقي أعضاء المنتدى | |
|
thebird عضو نشيط
عدد المساهمات : 23 نقاط : 23 تاريخ التسجيل : 03/04/2010 الموقع : كلية العلوم
| موضوع: رد: هيا بنا نختلف الخميس يونيو 24, 2010 3:10 pm | |
| [justify]الكلام ده ميه مييييييييييييييه | |
|